مجنون من يجرح شعورك
لا عاش من يشك في غـلاك
لو تغيب الناس يكفي حضورك
ولو تغيب الشمس يكفي دفــاك
المحبة من بحورك
والشــوق نجمه في سمــاك
قلتها وأقولها في حضــورك
أنت الأول والبشر تمشى وراك
********************
من شراني يحرم في يوم ينباع
وتحرم على شفايفي كلمة نسيته
أهواه وأحبه موووت وأحطه بالأضلاع
وأعلن للبشر
"هذا إلي تمنيته"
وان سألوني حسادي عنه باقول ضاع
وأخفي عليهم إني بعيوني خبيته
************************
دق الجهاز وخافق القلب له فز
فزة فرح ما هي مثل كل فزة
حي هالرسالة وحي منهو لها دز
حي الكلام والزين واللي يدزة
اهلا هلا بك يا عزيز معزز
واللي يعزك لازم تعزة
*******************
ما تناسيتك ولكن المانع ظروف
أبعدتني عنك يا أقرب قريب
الزمن مع لوعة الذكرى يطوف
والهوى يقسى على جرح عطيب
المعاني صعب تنقلها الحروف
المشاعر ترسل أشواقي لهيب
من يحب بصدق لايمكن يعوف
وأنت ذكرك عندي عيا يغيب .
************************
خذني بحضنك مبطي ما غفيت
وان لمحت دموع عيني سو نفسك ما لمحت
خذني بحضنك وفتش جروحي وان قضيت
هز لي كتفي وقللي :
عيب تبكي لو سمحت
ضمني " يمك" وضحكني لأني بكيت
ودي أتذكر كيف كانت ضحكتي لا مني فرحت
******************
غبت وبقى لك داخلي صوت يدعيك
تبقى لك الذكرى معك تتبع خطاك
غبت وبقت لك دمعة إنسان يغليك
عن كل خلانه والاقراب بداك
غبت وعشقت الحلم لا زارني فيك
لوكان يخدعني إذا قمت مالقاك
***********************
فيني ألم غربه مع فرقا أعز الناس
سفينه تايهه تبحث عن موانيها
ذكرتك يوم ودعتك وضاقت فيني الأنفاس
بكت عيني على فرقاك لكن من يواسيها؟
حرام أشوف أفراحي بأقدام الألم تنداس
أداري دمعة هلت ومالي غير أداريها
**************************
البارحة عيـني عـن الـنوم جازت
هـلت مـدامعـهـا بذكر الحـبايب
تركض على رمشي دمعات عيني
والـصدر ضاق يـوم كـثر المصايـب
تـشـتـت بـالـهـم أفــكـار عـقـلـي
ووسط الحشى شبت بجوفي لهايب
لـجل أحـبـاب ٍ عــن الـدنيا قـفـوا
والقلب مـا هـو عــن هـواهم بتـايـب
*********************
مهما تصدا أعشقك وأهواك و أغليك
ما همني رفضك ولا ابغي ردودك
كيفك إذا بتحن في حال هاويك
وكيفك إذا تبغاني أعاني صدودك
تصــد
تبعـــد
تبيــــع
شــــــاريك شـــــاريك
أصلا حيــاتي بس مجرد وجودك
*****************
يكفيني منك بسمتك واغلى الهدايا
ضحكتك مابي كثير
حلمي انا ماهو كبير
البسمه تكفيني شعور
والضحكه ترضيني غرور
مابيك تهديني عمر
ومابيك تغريني بقمر
يكفيني مكانتي بدنيتك
مرتاح لو كنت الاخير
****************
منك نتعلم لعبة الصد ونصد
مدام قلبك والليالي علينا
منك نتعلم كيف ما نحفظ الود
وتشوف منا ما تسويه فينا
الحين لازم تاخذ المسألة جد
علمتنا نقسى وشفنا قسينا
******************
هلابقلبــك وبغـلاك وعيونك
وأحلى النسايم يوم هبّـت طـواريـك
جعل الرسائل كلهـا يفتـدونــك
واللي كتبها ياغـلا القلـب يفديك
هلا هلا مع التحـايـا يجونك
من خاطري وياليت شوقي يكفيك
..
منقول
الامبراطور
الخميس نوفمبر 08, 2007 1:26 am